VOV4.Xơ Đăng - Tơdroăng ing Kơ koan xiâm pơkuâ gak ngăn kong Kon Tum kơxo lơ 9/9 tối ăm ‘nâi, Kơ koan xiâm gak ngăn kong tơring Sa Thầy hiăng xăm tối roh kếo loăng kong ôh tá tro luât tung tơring. Klêi kơ’nâi Pơkâ xăm tối tơdroăng xôi kân ‘na ‘’Pro xôi pơkâ ‘na kếo loăng, gâk kong ƀă loăng pơlái kong kế’’, Kơ koan xiâm pơkuâ gâk ngăn kong tơring Sa Thầy hiăng pơtroh hô sơ a Kơ koan Kan sát séa ngăn, Kŏng an tơring Sa Thầy vâ pơtối séa ngăn, pơxâu phâk tiô tro pơkâ dêi luât.

Tíu kếo loăng ôh tá tro luât

Roh tơdroăng châ hlo a kơpong kong xua Kŏng ti pêi cheăng tiô rơnó môi khu gâk ngăn kong Sa Thầy pơkuâ ối tung kơpong cheăm tơkăng kong Mô Rai, tơring Sa Thầy. Tíu kếo loăng ôh tá tro luât cho troăng prôk pá puât, hơngế kơpong kuăn pơlê rêh ối ƀă kơtăn troăng kân tơnêi têa 14C dâng lối 10 km.

Môi xiâm loăng tro kếo

Drêng châ hlo roh tơdroăng a hâi lơ 2/9/2022, khu gâk ngăn kong dêi Kŏng ti pêi cheăng tiô rơnó môi khu Sa Thầy châ hlo 32 xiâm loăng tro kếo ƀă kơxô̆ loăng dâng lối 40 met khô̆i, ai mâu khu loăng ối tung túa má III troh khu loăng VIII.

A Sa Ly tơplôu ƀă tơbleăng