Tơkŭm po sap hâi lơ 27 troh 29/3/2026, măng tĭng leh po apoăng ƀă Hôp tơpui tơno ‘’Ôm hyô Gia Lai – Tơmeăm ki ai ƀă ki kô mơnhông la ngiâ’’, tíu mâu ngế rơkê, khu tê mơdró tơpui tơno, pơkâ mâu troăng mơnhông ôm hyô krá tơniăn, tơmiât troh kơchơ mơdró lâp plâi tơnêi.

Roh hôp Mơhnhôk mơ’no liăn cheăng kong pơlê Gia Lai hâi lơ 28/3 tiô tối hdrối mơhnhôk hrĭng khu tê mơdró veăng, po roh tơ’lêi hlâu tơrŭm cheăng, mơnhông tơdroăng tơkêa bro. Ki má môi, cho Leh pơxiâm po Hơnăm Ôm hyô tơnêi têa 2026 a kơmăng lơ 28/3 ƀă tơdroăng ngê̆ thuât ki má môi, vêh mơhno ki trâu hơngế khôi túa lĕm tro, tơdroăng roh nah ƀă tơdroăng pói vâ xông mơ-eăm dêi kơpong tơnêi têa Tây Nguyên. Tiô tối hdrối, tâi tâng Hơnăm Ôm hyô kô ai 244 tơdroăng pêi cheăng hên hĭn, troh rơdâ a tung hên kơvâ.