Pái to cheăm: Măng Đen, Măng Bút ƀă Kon Plông, kong pơlê  Quảng Ngãi ai tơnêi rơdâ, ai hên tơmeăm khoăng vâ mơnhông cheăng kâ a kong ƀă ôm hyô ngăn nhâ loăng kuăn kiâ. Ki xâp dêi kong a kơlo hên, a Măng Deăng vâ chê 68%, a Kon Plông lối 83%, pro xiâm ki vâ mơnhông cheăng lĕm krúa. Nôkố, kơpong Măng Đen, Măng Bút, Kon Plông ai hlâu tâ vâ mơnhông ôm hyô ngăn kơpong kong kế, pro tíu pơtê ƀă pêi chiâk lĕm krúa a “tơnêi hngíu”, tung mê Măng Deang rah hnoăng ki xiâm.

Pôa Nguyễn Hoàng Giang, Kăn hnê ngăn Vi ƀan kuăn pơlê kong pơlê Quảng Ngãi pơkâ thế mâu cheăm bêng mơdêk mơnhông nhâ loăng kuăn kiâ, mơjiâng kơpong pêi cheăng lo tơmeăm tê mơdró môi tiah kơphế Arabica, sâm Ngọc Linh, đẳng sâm, kơchâi reăng a tơnêi hngíu vâ ăm tơmối ôm hyô.