VOV4.Xơ Đăng - Pêi pro pơkâ 120 dêi Chin phuh, hơnăm 2022 – 2023, Khu pơkuâ hnê hriâm ƀă hnê mơjiâng tuăn ngôa rơkê kong pơlê Kon Tum châ tơkŭm pro pro tơniăn lĕm, pơtroh pêi cheăng, pơ’lêh tíu pêi cheăng hên kăn ƀô̆ vâ pro tơniăn ƀă kêi đeăng mơngế pơkuâ mâu hngêi trung râ má pái phôh thong. Ki nhên ƀă 8 hngêi trung râ má pái phôh thong ai kơxô̆ Phŏ pơkuâ hngêi trung hên tâ tâng pơchông ƀă pơkâ cho 2 ngế, Khu pơkuâ hnê hriâm ƀă Hnê mơjiâng tuăn ngôa rơkê kong pơlê Kon Tum hiăng pêi pro pơ’lêh tíu pêi cheăng 4 Kăn phŏ pơkuâ hngêi trung troh a mâu hngêi trung ai 1 Kăn phŏ pơkuâ hngêi trung; 4 hngêi trung ai đơn pleăng hnoăng cheăng pâ pơtê cheăng ƀă 1 ngế pêi pro tâ phĭu kí pơtê pro Kăn phŏ pơkuâ hngêi trung.

Kơvâ hnê hriâm Kon Tum rak tơniăn ‘na mơngế pơkuâ mâu hngêi trung râ má pái phôh thong

Khu pơkuâ hnê hriâm ƀă Hnê mơjiâng tuăn ngôa rơkê kong pơlê Kon Tum, tối ăm ‘nâi tơdroăng xing xoăng, pơtroh, pơ’lêh kăn ƀô̆ pơkuâ mâu hngêi trung râ má pái phôh thong kô pơtối pêi pro vâ châ pơkâ tah lôi tơdroăng pá puât, tơniăn mơngế pơkuâ ƀă mơnhông mơdêk ivá tuăn ngôa rơkê dêi kăn ƀô̆ pơkuâ mâu hngêi trung.

VOV Tây Nguyên/Tơplôu: A Sa Ly