Kuân đoân 34 rah 150 ngế kăn ƀô̆, mâu lêng veăng pro hngêi trung pơtối râ a tíu tơkăng kong Gia Lai
Thứ tư, 10:00, 03/06/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Hâi lơ 2/6, Kuân đoân 34 (Khu xiâm pơkuâ ngăn lêng) hiăng klêi tăng ngăn vâ mơhnhôk mâu kăn ƀô̆, mâu lêng veăng kum kong pơlê Gia Lai rĕng pro klêi mâu hngêi trung phôh thong hnê kuăn ngo ai tíu kâ koi pơtê ai 2 to râ mơhriâm a péa to cheăm tơkăng kong Ia O ƀă Ia Chía.
Kuân đoân 34 hnê mơhno mâu tíu pêi cheăng rak tơniăn ki tơƀrê ƀă tơdroăng mơjiâng pro; hbrâ hdrối tung pơchên kế kâ, pêi tro mâu tơdroăng pơkâ ‘na pêi krúa kế kâ, rak tơniăn ăm mơngế pêi cheăng hlối rak ngăn krâu ivá ăm mố đô̆i tung pơla pêi cheăng.
Pákĭng mâu lêng Kuân đoân 34, tung rôh tơvâ hên tơdroăng cheăng kố, Khu xiâm pơkuâ ngăn Lêng kong pơlê Gia Lai (Kuân Khu 5) xuân hiăng veăng kơjo kum pro hngêi trung 2 to râ mơhrriâm a kơpong tíu tơkăng kong peăng mâ hâi Lu dêi kong pơlê.
Tơdroăng tơdjuôm ivá pêi cheăng dêi mâu đông lêng kô veăng gum rĕng pro klêi mâu hngêi trung, hlối potối tơbleăng um méa mâu lêng Mố đô̆i Pôa Hồ đi đo rơtế ƀă cheăm kong pơlê tơmâng ngăn khât tơdroăng hnê hriâm a kơpong tơkăng kong dêi kong pơlê Gia Lai.
Viết bình luận