A mâu rôh hôp, mâu ngế ki lo tơbriât pro kăn tối dêi mâu tơdroăng pêi pro nếo ƀă tuăn vâ mơ-eăm tâ, tơmâng pêi a mâu tơdroăng kuăn pơlê tơmâng khât mê cho mơnhông ‘na chiâk deăng krá tơniăn ton rơtế ƀă cheăng kâ lĕm krúa; rak ngăn, xúa pêi tơƀrê tơnêi; ‘no liăn pro troăng prôk, on tơhrik, têa krúa a thôn pơlê; mơdêk tơƀrê hnê hriâm, pơlât rak ngăn ivá kuăn pơlê mơdêk ‘mâi hơ’lêh túa pêi cheăng mâu kăn, hơ’lêh kơxô̆.

Hên mâu ngê ki lo tơbriât hiăng tối kô rak tơrŭm krá ƀă kuăn pơlê, đi đo tơmâng ƀă tối tro tuăn kuăn pơlê, tơdroăng púi vâ dêi kuăn pơlê. Mâu rôh hôp mê tro tuăn, tơpui tơdrăng, tơ’mot hên kuăn pơlê veăng hôp. Hên kuăn pơlê tối hiăng hbrâ hdrối tro tơdroăng dêi mâu ngế ki lo tơbriât pro kăn.