Apoăng chôu kơxo lơ 5/11, jâ Phạm Thị Thanh Trà, Ngế xiâm ngăn mâu ngế pêi cheăng tung Chin phuh pơtối tiâ 7 tơdroăng kơ-êng dêi mâu kăn ai kơ-êng sap kong xêi lơ 4/11.

Pơtối mê, pôa Đoàn Hồng Phong, Ngế xiâm pơkuâ séa ngăn tơdroăng cheăng dêi Chin phuh tiâ mâu tơdroăng kơ-êng ai tơdjâk troh ki tơƀrê tung pêi hnoăng cheăng séa ngăn, tơdroăng tơleăng mơnhên, kơxô̆ tơmeăm khoăng klêi séa ngăn; tơdroăng tơleăng pơxâu ƀă khu pú hên, mâu ngế ki pro xôi, malối a mâu tíu ai tơdroăng xôi luât ki ó ƀă mâu tơdroăng pêi pro tơkâ luâ xơpá tơvâ tơvân, ki môi tiah dêi rơpó tung tơdroăng séa ngăn tí tăng ngăn, riân ngăn.

Pôa Phạm Minh Chính, Ngế pro xiâm hnê ngăn Chin phuh ai 80 phut vâ mơnhên mâu pơkâ ki kân châ pơkâ ƀă tiâ rơkong kơ-êng dêi mâu kăn Kuô̆k hô̆i .