Kơxê hâi lơ 7/6, Kuô̆k hô̆i hneăng 15 hôp tâi tâng a hngêi hôp kân pơtối kơ-êng tiâ ‘na kơvâ troăng prôk rơxế kơtâu. Mâu tơdroăng ki kal tung rôh kơ-êng tiâ mê cho: Troăng rơhlâ vâ pêi klêi ‘na mơjiâng tơmeăm khoăng, kơdroh trâm xía vâ tơklâm rơxế tung lâp tơnêi têa; hnoăng rak ngăn dêi Tơnêi têa tung tơdroăng séa ngăn mơnhên’ rak ngăn ‘na rơxế kơtâu, ki krá dêi rơxế; tơdroăng  tơdroăng hnê hriâm xo ƀâng vế rơxế.

Ƀă tơdroăng kal pêi pro, ai hnoăng cheăng pêi tơƀrê, pôa Nguyẽn Văn Thắng, Ngế xiâm ngăn Khu xiâm troăng prôk rơxế kơtâu đi đo tơmâng xo tŭm tơdroăng ki kuăn pơlê kơ-êng tối ƀă kô mơ-eăm pê klêi troăng rơhlâ pơkâ dêi Đảng, Tơnêi têa tung mơnhông mơjiâng pro tơmeăm khoăng, troăng prôk, vâ teăm pê klêi mâu troăng prôk pơcháu pêi tiô túa lĕm nếo, tơniăn vâ kuăn pơlê  prôk lăm. Laga, kơvâ cheăng mê ối hên tơdroăng ki hâi pêi pro, ki pêi ối tơvâ tơvân, thế tơleăng mơnhên klêi môi tiah ‘na trâm xía vâ drô troăng prôk, pro xôi ‘na pro hlá mơ-éa rơxế, hnê tơ’noăng xo ƀâng vế rơxế, ăm, rak ngăn, xo tơvêh ƀâng vế rơxế ƀă hên ki ê.

Ngế xiâm ngăn troăng prôk ăm ‘nâi, mâu tơdroăng veăng hnê tối dêi mâu kăn Kuô̆k hô̆i  cho tơdroăng ki vâ Khu xiâm mơ-eăm pê klêi hnoăng cheăng tơná, hnoăng cheăng ki Đảng, Tơnêi têa ƀă kuăn pơlê pơcháu.