Roh tơpui tơno châ rơ’jíu, um tơvi mơ’no tơdrêng vâ mâu ngế tâ phĭu ƀă kuăn pơlê lâp tơnêi têa hlo ngăn. Tơbleăng tơdroăng châ tơƀrê cheăng kâ – rêh ối pơlê pơla ăm hlo, tiô tối hdrối plâ hơnăm ai 14/15 pơkâ châ ƀă hluâ pơcháu pêi Kuô̆k hô̆i hiăng mơ’no. Kố cho tơdroăng mơ-eăm dêi khu cheăng kal kí ƀă tâi tâng pơlê pơla, tơdroăng ki vâ mơhnhôk ăm pơkâ pêi 5 hơnăm. Laga, bu pơkâ tâk pêi lo tơmeăm mơngế pêi cheăng ôh tá châ tơƀrê.

Pơkâ tâk mơdêk pêi lo tơmeăm mơngế pêi cheăng pơlê pơla tiô tối hdrối châ 4,7 – 5,2%, cho iâ tâ kơlo mơ’no sap ing 0,3 troh 0,5%. Kố cho pơkâ ki kal tối ivá tơbriât cheăng dêi tơdroăng cheăng kâ. Drêng tơtêk cheăng kâ tiô tối hdrối tơkâ hluâ dâng 2% tâng pơchông pơkâ pêi ƀă GDP tơdâng pơ’leăng mâ mơngế xuân tiô tối hluâ pơkâ.

Hneăng hôp má 4, Kuô̆k hô̆i hneăng má 15

A roh tơpui tơno ‘na tơdroăng cheăng kâ – rêh ối pơlê pơla ƀă liăn ngân tơnêi têa, mâu kăn ƀă kuăn pơlê pói tơngah, Kuô̆k hô̆i kô pơkâ mơ’no mâu troăng ki châ tơƀrê, ‘’mơjiâng tơdroăng ki mơnhông’’ djâ tơnêi têa rak  tơniăn klêi kơ’nâi pơreăng kân COVID-19.