Tiô mơnhên tối dêi Chin phuh, kơxô̆ liăn nâp cho liăn ngân tơnêi têa hiăng châ tơƀrê tung pơla ối ai hên tơdroăng ki ôh tá mơhúa drêng cheăng kâ rêh ối pơlê pơla tung ƀă kong têa ê ai hên tơdroăng pơhlêh, ‘na liăn ngân nâp hiăng vêh tiah hmâ, tơdroăng ki tê mơdró hngêi trăng tơmeăm tá hâi hlo ‘mâi mơnhông, tơdroăng pêi pro pơhlêh, kơdroh liăn ngân Tơnêi têa tung pơla hdrối nah ối hrá chiâng tơdjâk troh xơpá drêng pêi pro tơdroăng ki vâ nâp liăn.

Tung pơla mê, ki xơpá dêi tơdroăng hrê kân, tung mê: ‘Na kơxô̆ liăn hrê ăm mâu tơdroăng pro hngêi trăng troăng klông ki kal, mâu hnoăng cheăng ki kal pêi pro tơdrêng ‘na tơdroăng cheăng kal kí, tơpui kâ, tơdroăng cheăng lêng gâk kring, tơdroăng rêh ối tŏng gum pơlê pơla. ‘Na kơxô̆ liăn hrê cho kơxô̆ liăn ngân Tơnêi têa, túa pơkâ xoăng liăn ngân tơnêi têa hơnăm 2025, Chin phuh tiô tối hdrối kô xoăng rak vế tơniăn mâu tơdroăng pơkâ: kơjo gum xing xoăng thăm mơdêk ‘no liăn mơnhông a kơlo ki tơƀrê; xoăng ‘na tơdroăng mơdrếo chê̆n tŭm, tro hâi khế; kơxiiơ liăn hrê ăm hbrâ rơnáu, ‘măn kơdĭng dêi tơnêi têa a kơlo ki tơtro vâ tŏng gum mâu hnoăng cheăng ki kal pêi pro tơdrêng drêng trâm.