Troh nôkố, Vi ƀan ngăn ‘na Tâ phĭu kong pơlê Lâm Đồng tơbleăng 159 mơ-éa hnê mơhno pơtroh 124 cheăm, bêng ƀă kơpong cheăng kâ, hnê mơhno inhên rêm tơdroăng xiâm, tơniăn pêi pro môi tuăn, tro tiô pơkâ dêi Tơnêi têa ƀă tâi tâng mâu hnoăng cheăng pêi kêi đeăng hdrối hâi pơkâ mơ’no.

Mâu kơ koan cheăng mơdêk pơhlêh xúa kŏng ngê̆, xúa kŏng ngê̆ thông tin tung tơdroăng tâ phĭu. Tơdroăng in hla mơ-éa ki kal gum tung tơdroăng tâ phĭu châ pêi pro thâ rẽng, tơtro. Tâi tâng inâi ngế ki tơbriât to pro kăn rêm râ a tíu tâ phĭu, chêh tơdroăng pêi cheăng hriâm tâp ƀă 20 khu mơ-éa ki tơdjâk ƀă tâi tâng lối 6 rơtuh 600 rơpâu trang hiăng châ in, xing xoăng tŭm ăm 124 cheăm, bêng ƀă kơpong cheăng kâ tung kong pơlê.

Khu ngăn ‘na Kăn ƀô̆ Lâm Đồng hiăng tơkŭm po mâu lâm hnê mơhno ăm mâu tíu tâ phĭu a kong pơlê ƀă pơtối châ hnê pơtâp trâu rơdâ ăm mâu ngế cheăng 2.301 Tôh ngăn ‘na tâ phĭu.