Vâ tơdroăng tơbleăng pêi pro ‘na kơmăi chêh ‘mot tơdroăng tơnăng ká xi xŏng ƀă châ tơƀrê tiô hnê mơhno dêi Ngế pro xiâm hnê ngăn Chin phuh, pôa Hồ Văn Mười, Kăn hnê ngăn Vi ƀan Kuăn pơlê dêi kong pơlê Lâm Đồng pơcháu ăm Khu xiâm ngăn ‘na chiâk deăng ƀă Hyôh kong prâi pơkuâ, tơrŭm ƀă mâu tíu pêi cheăng, kơvâ cheăng ƀă cheăm bêng kong pơlê ki tơdjâk troh pêi tơdrêng hên tơdroăng kal.

Kăn hnê ngăn Vi ƀan Kuăn pơlê dêi kong pơlê Lâm Đồng xuân pơcháu ăm Khu xiâm ngăn Chiâk deăng ƀă Hyôh kong prâi tăng ‘nâi plĕng pơkâ Luât rak ngăn, chơ djâ ƀă xúa phần mềm kơmăi chêh ‘măn tơdroăng tơnăng ká ƀă chêh ‘măn tơdroăng tê rôe, chơ djâ ká  xi xŏng ƀă điê̆n tưh tung kong pơlê, pê klêi hdrối hâi lơ 31/3/2026. Tơdrêng ƀă pơkâ ki kân ‘na pêi pro chêh ‘mot mâu tơdroăng tơnăng ká ƀă điê̆n tưh, kong pơlê Lâm Đồng dế tơbleăng kơtăng, pêi tơdrêng hên troăng hơlâ vâ rơtế ƀă mâu kong pơlê, pơlê kong kân ai têa kơxĭ tung lâp tơnêi têa tah ki tối tơbleăng “theh trĭng” IUU, vâ mơnhông kơvâ tơnăng ká krá ton, ‘nâi hnoăng pêi pro dêi tơná hlối tơtro ƀă tơdroăng pơkâ dêi lâp plâi tơnêi.