Lâp kong pơlê Lâm Đồng nôkố ai 100% cơ quan, kong pơlê tơdjêp măng internet, tơbleăng 2.310 hlá mơ-éa cheăng kâ rêh ối ƀă tơnêi têa.

Kơlo ki pro mơ-éa cheăng kâ rêh ối ƀă tơnêi têa râ cheăm tro hâi khế châ 98,38%, chiâng ‘’tíu eăng’’ tung pơhlêh pro mơ-éa. Tơdroăng mơ’no liăn cheăng tơdâng tơ’mô, hlối mơdêk tơdroăng pơhlêh xúa kŏng ngê̆ dế gum râ cheăm dêi kong pơlê Lâm Đồng păng ‘nâng chiâng ‘’tíu hgiân’’ achê kuăn pơlê, tro tơdroăng cheăng, pro ăm kuăn pơlê rế hía rế rĕng, tơdrăng lĕm ƀă châ tơƀrê.