A leh mơhnhôk, kong pơlê tơbleăng 5 khu droh rơtăm pleăng hnoăng tơná, mê cho: hnê kuăn pơlê kơxô̆; kơjo kum kĭch hoạt, xúa VNeID; hnê ‘na pro căn cước, định danh điê̆n tưh ăm hok tro; hnê ‘na pêi cheăng pro hlá mơ-éa tiô troăng hyôh; tăng ngăn, tơmâng xo mâu tơdroăng tối ki ối tơvâ tơvân dêi kuăn pơlê tung xúa pro hlá mơ-éa kơxô̆. Rêm khu pêi cheăng kô ai mâu kŏng an cheăm bêng ƀă đoân droh rơtăm.

Tiô ngoh Nguyễn Thành Huy Hoàng, Kăn hnê ngăn Chi đoân kŏng an bêng Xuân Trường - Đà Lạt, troăng hơlâ tơbleăng tŭm ƀă tơdâng, pơtối rak ki tơbrê dêi mâu tôh pêi cheăng kŏng ngê̆ tung kuăn pơlê tiô troăng hơla “lăm mot tơrêm toăng hngêi, hnê tơrêm ngế kuăn pơlê”, malối kơjo kum mâu hơnăm hiăng krâ, mâu ngế pá hro ƀă mâu ngế ki trâm pá tung hlê plĕng pêi cheăng kŏng ngê̆.