Pôa Lê Trọng Yên, Ngế pơkuâ, cho Phŏ kăn hnê ngăn pơkuâ cheăng dêi Vi ƀan kuăn pơlê dêi kong pơlê. Khu xiâm ngăn Tê mơdró cho kơ koan pêi cheăng, chiu pôu râng hnoăng cheăng tăng ‘nâi plĕng, xing xoăng hnoăng cheăng. Tơdroăng ki xiâm cho tơbleăng mâu tơdroăng tơkêa bro ki ối tung pơkâ hdró pro on tơhrik, hlối pâ thế Tíu xiâm tah mâu tơdroăng ki “pá” ‘na tơnêi, tơmeăm khoăng tung kơdâm tơnêi, hlá mơ-éa ‘no liăn mơjiâng pro nếo kơpong peăng mâ hâi Lo cho tung tơdroăng pêi pro tiô pơkâ 233 dêi Chin phuh, mê cho 6 tơdroăng tơkêa bro on tơhrik kơtâu ƀă khía ƀă 8 tơdroăng tơkêa bro on tơhrik mâ hâi; tung mê, ai 12 tơdroăng tơkêa bro hiăng pêi hâi ăm liăn.

Ki xiâm xua tơvâ tơvân hdi tơnêi pơkâ mơjiâng titan, tơvâ tơnêi kong, ‘na pro hlá mơ-éa. Tơdroăng mơjiâng Khu hnê mơhno châ tơngah mơdêk tơrŭm pơla mâu kơvâ cheăng, tơniăn hnoăng pơxúa dêi khu ‘no liăn cheăng, veăng kring tơniăn on tơhrik ƀă mơnhông cheăng kâ pơlê pơla.