A hneăng hôp, ƀă tâi tâng kơxô̆ phĭu vâ môi tuăn 85/85, pôa Lưu Văn Trung, Phŏ pơkuâ ngăn Đảng, Kăn hnê ngăn Hô̆i đong hnê ngăn kong pơlê Lâm Đồng hnăng X, pơtối châ pôk pro kăn Hnê ngăn Hô̆i đong kong pơlê XI. Mâu phŏ kăn hnê ngăn Hô̆i đong kong pơlê cho pôa K’Mák, pôa Tiêu Hồng Phúc, pôa Y Quang BKrông, jâ Nguyễn Thị Thuận Bích, jâ Mai Thị Xuân Trung ƀă pôa Đa Cát Vinh.

Ƀă Vi ƀan hnê ngăn kong pơlê, pôa Hồ Văn Mười, Phŏ pơkuâ hnê ngăn Đảng, pơtối châ pôk pro Kăn hnê ngăn kong pơlê Lâm Đồng hơnăm 2026 – 2031 ƀă tâi tâng kơxô̆ ngế vâ môi tuăn. Pôa Lê Trọng Yên, mâu phŏ kăn hnê ngăn cho mâu pôa: Lê Trọng Yên, Võ Ngọc Hiệp, Nguyễn Hồng Hải, Nguyễn Minh, Nguyễn Ngọc Phúc ƀă Đinh Văn Tuấn.

Tơpui a hneăng hôp, pôa Y Thanh Hà Niê Kdăm, Kăn pơkuâ ngăn Đảng, Ngế xiâm pơkuâ Khu kăn Kuô̆k hô̆i kong pơlê Lâm Đồng tối nhên, tơdroăng ki pôk mâu kăn pơkuâ xiâm a hneăng hôp kố cho tơdroăng ki kal vâ kơ koan cheăng tơnêi têa kong pơlê rĕng tơniăn, tơbleăng pêi tơƀrê mâu mâu hnoăng cheăng mơnhông cheăng kâ rêh ối pơlê pơla, rak vế pơlê pơla cheăm bêng – gâk kring pơla hơnăm 2026 – 2031.