Tơdroăng cheăng pơkâ tơdjuôm cheăm Đức Trọng châ klâ pro 2 hneăng troh hơnăm 2030 ƀă ton hơnăm 2050. Ki xiâm pơkâ pêi ton hơnăm ‘no liăn mơjiâng pro cheăm Đức Trọng chiâng kơphô̆ trếo tik nik dêi lâp plâi tơnêi; tơdjêp tâi tâng hngêi trăng troăng klômng pơla kơpong ƀă troăng prôk kân xŏn tơdrăng ăm rơxế kơtâu têi tơdjêp ƀă tơraih tơƀai lâp plâi tơnêi Liên Khương; mơjiâng pro tíu pêi cheăng chehe pro mơéa-cheăng kal kí kong pơlê Lâm Đồng pro chiâng ivá nếo ăm cheăng mơnhông tơdjuôm dêi kơphô̆ Đức Trọng ƀă kơpong ki a chê.

Vi ƀan hnê ngăn kong pơlê Lâm Đồng pơcháu ăm khu râ, kơvâ cheăng, tíu pêi cheăng ki ai tơdjâk ƀă Vi ƀan hnê ngăn cheăm Đức Trọng tơrŭm vâ gum hnoăng cheăng mơjiâng pro, pơkâ ƀă kĭ tơdroăng tơkêa; rak vế tŭm hồ sơ pơkâ châ pro tơdâng tơ’mô, môi tuăn, ƀă tơtro tiô troăng hơlâ mơnhông dêi kong pơlê. Hâi khế pro klêi túa pơkâ cho hneăng má II/2026, xúa kơxô̆ liăn dêi kong pơlê pro.