Mâu kơpong ki tơ'lêi trâm xía vâ mê cho: kơpong a kĭng têa kroăng Da Nhim, tíu rơhê a kĭng troăng kân kơxô̆ 1; Văng Đại Ninh a troăng kân kơxô̆ 28B, Văng Đa Mi a troăng kân kơxô̆ 55; kơpong a kĭng têa kroăng Phan, troăng kân tơdrăng lĕm Phan Thiết - Dầu Giây; kơpong a kĭng têa kroăng Cam Ly, têa kroăng Đà Dâng; troăng Trường Sơn Đông; Kơpong pro pơlê nếo Đưng K'Nớ 5, troăng kân 722 ối tung cheăm Dam Rông 4…

Mâu hâi hiăng hluâ, kong mêi kân ton hâi hiăng pro hên troăng prôk, kơpong kuăn pơlê rêh ối a peăng mâ hâi Lo kong pơlê Lâm Đồng tro têa lu, troăng prôk pá puât. Mâu tíu môi tiah: bêng Bình Thuận, cheăm Hàm Thuận Bắc, Hàm Liêm, Hàm Thắng… hiăng ăm hok tro pơtê hriâm vâ tơniăn.

Hlo kong mêi têa lân lu, ối ôh tá tơniăn, khu kăn pơkuâ mâu cheăm, bêng a Lâm Đồng dế pơtối mơdêk hnoăng cheăng hbrâ ví, hnê tối kuăn pơlê kơdroh prôk lăm tơkâ hluâ mâu tíu ki rơ-iô ƀă ví troh mâu kơpong têa lu trâu.