Mê cho, rah xo pôa Đặng Đức Hiệp, Kăn cheăng tung Khu pơkuâ hnê ngăn Đảng kong pơlê, Kăn pơkuâ Đảng ủi bêng Xuân Hương – Đà Lạt troh Khu Kăn teăng mâ Kuô̆k hô̆i kong pơlê vâ pêi pro hnoăng cheăng pro Phŏ Kăn pơkuâ Khu Kăn teăng mâ Kuô̆k hô̆i kong pơlê Lâm Đồng.

Pôa Nguyễn Văn Lộc, Kăn pơkuâ Khu pơkuâ Mơhno khôi túa lĕm tro – Tơ’noăng ivá ƀă Ôm hyô kong pơlê Lâm Đồng châ rah xo, pơkâ ăm pro Kăn pơkuâ hnê ngăn Đảng ủi bêng Xuân Hương – Đà Lạt. Kong pơlê xuân ăm, rah xo pôa Hoàng Thanh Hải, Phŏ Kăn pơkuâ hnê ngăn Đảng ủi mâu kơ koan Đảng kong pơlê to pro Kăn pơkuâ hnê ngăn Đảng ủi cheăm Ninh Gia. Pôa Phan Nhật Thanh, Phŏ Kăn pơkuâ Khu mơjiâng pro châ rah xo ƀă ăm pro Phŏ Pơkuâ Ƀơrô Tỉnh ủi Lâm Đồng. Pôa Trần Đình Ninh, Phŏ Kăn pơkuâ Khu pơkuâ Liăn ngân châ rah xo, ăm pro Phŏ Kăn pơkuâ Khu pơtâng tối tơdroăng kal ƀă Mơhnhôk kuăn pơlê Tỉnh ủi Lâm Đồng.

Tơdrêng amê, kong pơlê xuân tơbleăng mâu pơkâ rah xo, ăm pro kăn pro Phŏ Kăn pơkuâ Ƀơrô Vi ƀan kong pơlê, Phŏ Kăn séa ngăn kong pơlê, Phŏ Kăn pơkuâ Khu pơkuâ liăn ngân, Phŏ Kăn pơkuâ Khu pơkuâ tơdroăng kong têa ê, Kăn pơkuâ Khu pơkuâ kơpong ôm hyô tơnêi têa Hồ Tuyền Lâm.