Tơdroăng châ tơƀrê, pôa Nguyễn Văn Phương, kot mâ hâi lơ 8/2/1966 châ rah xo to pro Kăn hnê ngăn Vi ƀan kuăn pơlê pơlê kong kơdrâm Bảo Lộc, ƀă kơxô̆ phĭu rah xo châ 96,77% kăn teăng mâ ai mâ. Pôa Nguyễn Văn Phương cho Kăn pơkuâ Khu pơkuâ cheăng kâ – Liăn ngân Hô̆i đong kuăn pơlê kong pơlê Lâm Đồng.

Hô̆i đong pơlê kong kơdrâm Bảo Lộc tâ phĭu rah xo Kăn hnê ngăn Vi ƀan pơlê kong kơdrâm

Hâi lơ 19/10 pơla kố nah, pôa châ Khu pơkuâ cheăng Đảng kong pơlê Lâm Đồng pơtroh pêi hnoăng cheăng a Khu pơkuâ cheăng Đảng Bảo Lộc, pơkâ veăng tung Khu pơkuâ, to pro Kăn phŏ pơkuâ hnê ngăn cheăng Đảng pơlê kong kơdrâm Bảo Lộc hneăng hơnăm 2020 – 2025; tơdrêng amê, tơbleăng vâ Hô̆i đong kuăn pơlê pơlê kong kơdrâm Bảo Lộc to pro Kăn hnê ngăn Vi ƀan kuăn pơlê pơlê kong kơdrâm Bảo Lộc, hneăng hơnăm 2021 – 2026. Xuân drêng mê, pôa Đoàn Kim Đình, Kăn hnê ngăn Vi ƀan pơlê kong kơdrâm Bảo Lộc, châ Khu pơkuâ cheăng Đảng kong pơlê Lâm Đồng pơtroh pêi cheăng ƀă rah xo pro Kăn hnê ngăn Kŏng ti pêi cheăng tiô rơnó môi khu Kơxô̆ kiê̆n thiê̆t Lâm Đồng.