Vi ƀan hnê ngăn kong pơlê Lâm Đồng pơcháu ăm Khu ngăn kơmăi kơmok ƀă tê mơdró pơkuâ, tơrŭm ƀă Kŏng an kong pơlê, Vi ƀan hnê ngăn cheăm ƀă mâu kơ koan, tíu pêi cheăng ki ai tơdjâk troh rĕng lăm ngăn ƀă mâu tíu ki tê têa châu têa kơxăng a cheăm Tà Hine; vâ rĕng teăm châ hlo ƀă pơxâu phâk kơtăng mâu tơdroăng pro xôi (tâng ai) tiô hnoăng pơkuâ ƀă tơbleăng ăm Vi ƀan hnê ngăn kong pơlê hdrối hâi lơ 8/’4/2026.

Pôa Nguyễn Văn Khánh, Phŏ pơkuâ Khu ngăn kơmăi kơmok ƀă tê mơdró kong pơlê, a hâi lơ 1 khế 4 tíu pêi cheăng tơbleăng pêi mâu troăng hơlâ ki kal pêi pro thăm mơnhông cheăng pơkuâ ngăn kơchơ tê mơdró têa châu têa kơxăng a cheăm Tà Hine ƀă a mâu cheăm ki ê hía drêng hlo ai tơdroăng ki rôe gô̆m, ôh tá vâ tê têa châu têa kơxăng ăm kuăn pơlê.