Lâm Đồng tah ki xơpá ăm tơdroăng tơkêa bro kơpong hngêi kơmăi Tân Đức
Thứ ba, 10:00, 24/03/2026
Tơplôu: Gương/VOV
Tơplôu: Gương/VOV
VOV.Xơ Đăng - Kơxê hâi lơ 23/3, pôa Nguyễn Hồng Hải, Phŏ Kăn hnê ngăn Vi ƀan kuăn pơlê dêi kong pơlê Lâm Đồng pêi cheăng ƀă mâu tíu pêi cheăng, kơvâ cheăng ƀă Ngế pơkuâ ‘no liăn ‘na ki tơƀrê dêi rơdroăng tơkêa pro kơpong hngêi kơmăi Tân Đức a cheăm Tân Minh, kô xo tơvêh lối 300 ha.
Troh nôkố, Kong ti veăng tơlo liăn Sonadezi Bình Thuận hiăng pê klêi mâu tơdroăng cheăng rôh má 1, pơtối pro troăng prôk ƀă pro hngêi kơmăi mơ’no tah têa ‘mêi, ƀă tâi tâng kơxô̆ liăn vâ chê 980/1.200 rơtal liăn. Kơpong hngêi kơmăi hiăng tơ’mot 7 tơdroăng tơkêa bro, tâi tâng kơxô̆ liăn chêh vâ pro 725 rơtal liăn.
Mơgêi rôh hôp, kăn hnê ngăn Vi ƀan kong pơlê pơkâ thế mâu tíu pei cheăng tơkŭm tah mâu tơdroăng ki pá tơvâ tơvân, thâ rĕng pê klêi hlá mơ-éa xo tơvêh tơnêi, chêh tơbleăng yă tơnêi i nhên hlối tơbleăng mâu tơdroăng pêi pro ki tơdjâk troh tơnêi pro hngêi ối, pro hlâu ăm tơdroăng tơkêa pro rĕng châ pơtối pêi tơƀrê.
Viết bình luận