Klêi ai troăng pơkâ dêi Vi ƀan Kuăn pơlê kong pơlê, mâu hơnăm hdrối, kơvâ ôm hyô kong pơlê Lâm Đồng hiăng tơrŭm ƀă mâu tíu pêi cheăng  séa ngăn ƀă mơnhên 33 tíu ôm hyô ngăn chiâk deăng. La xua trâm hên tơdroăng pá xua mâu pơkâ dêi Luât nôkố, chiâng ai tơdroăng mơnhông ôm hyô ngăn chiâk deăng a kong pơlê Lâm Đồng trâm hên xơpá.

Tơbleăng mơgêi hneăng hôp, pôa Phạm S, Kăn phŏ hnê ngăn Vi ƀan Kuăn pơlê kong pơlê Lâm Đồng tối: Vâ mơdêk ôm hyô ngăn chiâk deăng  mơnhông rơdêi, tơƀrê tung la ngiâ, kong pơlê dế hnê mơhno ăm mâu khu râ pơkuâ cheăng mơjiâng troăng rơhlâ xúa tơnêi hên tơdroăng ki pơxúa ‘na ôm hyô ngăn chiâk deăng hlối tơkŭm ƀă mâu pơkâ nhên, klêi mê, pơtroh ăm râ kơpêng kĭ . Tơdroăng mê pêi pro ngăn tiô Luât tơnêi hơnăm 2024 ƀă mâu hlá mơ-éa pơkâ chêh nhên mâu tơdroăng tơdjâk troh.

-