Sap khế 6 troh nôkố, kơpong kố hiăng ai 8 hdroh tơhnâp tơnêi ƀă hmốu drêng kong mêi, mơni kô ôh tá tơniăn ăm mơngế ƀă rơxế. Klêi kơ'nâi séa ngăn, rơnâk tơnêi xŏn dâng 20/25m, xŏn dâng 120m; tơnêi tơníu cho tơnêi tơvât ƀă hmốu, hiăng ôh tá tơniăn tâi tâng, tơ'lêi pơtối tơhnah tơhnâp drêng kong mêi kân.  

Troăng hơlâ pêi pro cho gu tah rơnâk tơnêi a kơpong tơhnah tơhnâp, klêi mê ‘mâi rơnêu ƀă kơxái thĕp tơkŭm péa pâ, kơxái thĕp, kơxái tơnêi ƀă kơxái thĕp… Tâi tâng kơxô̆ liăn tiô tối hdrối dâng 15,64 rơtal liăn, xo kơxô̆ liăn ing hbrâ, ví kong prâi pro ôh tá tơniăn hơnăm 2025 ki u ối rơlối xo ing mâu tơdroăng pro mâu tơmeăm ki ê. Hdrối mê, kong mêi kân pro hmốu ing taluy yương văng Prenn klêi chi a rơgâ troăng kân, pro ôh tá chiâng vâ prôk lăm. Hâi lơ 22/9, Vi ƀan kong pơlê Lâm Đồng tơbleăng tơdroăng ki thâ ‘na kong prâi pro ôh tá tơniăn a kơpong kố.