Lâm Đồng tơbleăng inâi 85 ngế ki châ rah xo pro kăn teăng mâ Hô̆i đong kong pơlê
Thứ sáu, 13:12, 20/03/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Vi ƀan Tâ phĭu kong pơlê Lâm Đồng hiăng Pơkâ Tơbleăng kơxô̆ phĭu rah xo ƀă inâi mâu ngế châ rah xo pro kăn teăng mâ Hô̆i đong kong pơlê Lâm Đồng hneăng XI, hneăng 2026-2031.
Tung inâi mâu ki châ rah xo mê ai pôa Hồ Văn Mười, Kăn hnê ngăn Vi ƀan Kuăn pơlê dêi kong pơlê; pôa Lưu Văn Trung, Kăn hnê ngăn Hô̆i đong kuăn pơlê dêi kong pơlê; pôa Lê Trọng Yên, Phŏ kăn hnê ngăn Vi ƀan kuăn pơlê dêi kong pơlê ƀă hía hé... mơhno ki kuăn pơlê vâ rah xo ƀă mâu kăn bô̆ ki dế pơkuâ cheăng dêi kong pơlê.
Tiô inâi tơbleăng 85 ngế châ rah xo pro kăn Hô̆i đong kuăn pơlê dêi kong pơlê Lâm Đồng hneăng XI, hneăng hơnăm 2026-2031, ngế ki lo tơbriât pro kăn hơnăm hên má môi kot mâ hơnăm 1962 ƀă iâ hơnăm má môi kot mâ hơnăm 1991. Mâu kăn Hô̆i đong kuăn pơlê dêi kong pơlê Lâm Đồng châ kuăn pơlê rah xo tơniăn tro tơdroăng hiăng xoăng hdrối, kơxô̆ mơngế tro tiô pơkâ.
Viết bình luận