Klêi kơ’nâi vâ chê 7 khế hơnăm 2025, mơ’no liăn ngân tơnêi têa dêi kong pơlê Lâm Đồng bu châ 27%. Hơnăm 2025 tâi tâng kơxô̆ liăn mơ’no cheăng tơnêi têa, ai tâi tâng plâ hơnăm 2024 pơtroh dêi kong pơlê Lâm Đồng cho lối 18.900 rơtal liăn. Riên troh vâ chê tơdế khế 7, kong pơlê nếo mơ’no liăn cheăng lối 4.380 rơtal liăn, châ kơlo lối 27%.

Tiô Viƀan kong pơlê Lâm Đồng, xiâm kối xua mâu tơmeăm xúa kơxô̆ liăn tơnêi têa a tŭm 3 kơpong, mê cho kong pơlê Dak Nông, Bình Thuận ƀă Lâm Đồng ton pơrá kreăng tăng tơnêi, ki rơhêng vâ tối cho mâu tơmeăm ki xiâm troăng klông ki xúa hên kơxô̆ liăn mơ’no má môi. Pôa Hồ Văn Mười, Kăn hnê ngăn Viƀan kong pơlê Lâm Đồng tối ăm ‘nâi, kong pơlê Lâm Đồng dế kơtăng po rơdâ pêi pro hên troăng vâ mơdêk rĕng mơ’no liăn ngân tơnêi têa, tung mê ki xiâm cho tăng tơnêi vâ bro troăng kân.