Mâu kăn teăng mâ tơkŭm tí tăng 'nâi plĕng, tah lôi mâu tơdroăng pá puât 'na liăn ngân, pro hlá mơ-éa, ‘na tơnêi tơníu ƀă pơkâ hdró, pro ai ivá vâ mơnhông cheăng kâ khu mơdró krê xông tơ brê. Klêi tơ'mot chiâng môi, Lâm Đồng ai dâng 35.600 khu mơdró dế pêi cheăng ƀă lối 190.000 rơpŏng tê mơdró.

Tung 6 khế apoăng hơnăm, GRDP dêi kong pơlê tâk 7,97%, xo liăn ngân châ 18.600 rơtal liăn. A rôh hôp, pôa Nguyễn Minh Phŏ kăn hnê ngăn Vi ƀan kong pơlê Lâm Đồng tối nhên tơdroăng ki kal thăm tơrŭm pơla khu kăn pơkuâ, khu ăm mung liăn ƀă khu mơdró kâ, tơdrêng amê hlối pơtối 'mâi hơ'lêh tíu mơ'no liăn cheăng, 'mâi hơ'lêh pro hlá mơ-éa. Mâu rơkong tơpui tối xuân pơkâ thế mơdêk ivá pơkuâ ngăn, tơdrăng 'na liăn ngân ƀă thăm tơrŭm tơdjêp.