VOV4.Xơ Đăng - Tung tơdroăng Tơ’noăng Vâi hdrêng rơkê mâu hdroâng kuăn ngo lâp tơnêi têa roh má 4, kơxo lơ 23/9, a Hà Nội, Khu xiâm pơkuâ Đoân Droh rơtăm Kŏng san Hồ Chí Minh, Hô̆i đong Đô̆i Tơnêi têa tơkŭm po Leh kheăn kơdeăn “Vâi hdrêng rơkê mâu hdroâng kuăn ngo lâp tơnêi têa roh má 4 hơnăm 2022”. 263 ngế vâi hdrêng rơkê dêi 54 hdroâng mơngế nhŏng o châ kheăn kơdeăn ƀă to tơdah Ƀâng kheăn kơdeăn dêi Khu xiâm pơkuâ Đoân.

Pôa Trần Tuấn Anh veăng leh kheăn kơdeăn ‘’Vâi hdrêng rơkê mâu hdroâng kuăn ngo lâp tơnêi têa roh má 4 hơnăm 2022’’

Kố cho mâu đô̆i viên, vâi hdrêng mâu hdroâng kuăn ngo rơkê tung hriâm tâp, pơtâp, thăm veăng mâu tơdroăng pêi tung khu; Tá hiâm mơno veăng mâu tíu xah hêi, mâu tơdroăng ti tăng plĕng rak mơnhông mơdêk khôi túa lĕm tro hdroâng kuăn ngo xua Hô̆i đong đô̆i Tơnêi têa mơhnhôk pêi pro. Ki rơhêng vâ tối, mâu vâi o ôh tá xê to hok tro rơkê hên hơnăm, mê ối châ kâ hên pri tung mâu hneăng tơ’noăng.

A Sa Ly tơplôu ƀă tơbleăng