VOV4.Xơ Đăng - Hrĭng ngế ki kăn châ krếo lăm troh veăng leh tơbâ teăng mâu khu kăn tơpui kâ, mâu khu tơrŭm cheăng lâp plâi tơnêi, mâu khu tơrŭm cheăng ƀă Việt Nam hiăng troh veăng leh tơkŭm po a kơmăng hâi lơ 11/10 a tíu pêi cheăng dêi khu tơrŭm cheăng Hnê hriâm - Khoa hok ƀă Văn hóa dêi khu lâp kong têa UNESCO drêng troh leh tơbâ 35 hơnăm UNESCO tơbleăng pơkâ leh tơbâ 100 hơnăm hâi kot mâ Pôa Hồ Chí Minh, Kăn xiâm hnê ngăn tơnêi têa hneăng hdrối, ngế ki khên tơnôu pro tơleăng lĕm hdroâng mơngế ƀă Ngế Mơhno túa lĕm tro ki rơkê dêi Việt Nam.

Jâ Lê Thị Thu Hằng, Ngế kum pêi hnoăng cheăng dêi Ngế xiâm tơpui kâ tối tơbleăng a rôh leh

Tơdroăng po leh pơxá “Kăn xiâm hnê ngăn tơnei têa Hồ Chí Minh: Ngế kuăn ki rơkê ó dêi tơdroăng hơniâp lĕm ƀă mơhno túa lĕm tro” xua kăn teăng mâ Việt Nam a Pơhlăng, Khu kăn Việt Nam pakĭng UNESCO rơtế ƀă UNESCO tơkŭm po vâ pro leh tơbâ 35 hơnăm hâi Pơkâ châ Hneăng hôp kân UNESCO tơbleăng a rôh hôp má 24 po sap hâi lơ 20/10 troh lơ 20/11/1987.

VOV Tây Nguyên/Tơplôu: Gương