VOV4.Xơ Đăng - Kơxo lơ 25/8, a pơlê kong kơdrâm Thanh Hóa, tung chôu phut phiu ro, tơrŭm tơrôa dêi hơnăm tơrŭm cheăng pơla Việt Nam - Lếo, Lếo - Việt Nam hơnăm 2022, kong pơlê Thanh Hóa tơkŭm po leh kân krip tơbâ 60 hơnăm hâi mơjiâng tơrŭm cheăng pơla Việt Nam - Lếo, 54 hơnăm hâi kĭ tơhrâ tơrŭm tơ- rôa ƀă tơrŭm Việt Nam - Lếo, 55 hơnăm hâi kĭ tơhrâ tơrŭm cheăng Thanh Hóa - Hủa Phăn. Veăng leh mê, ai mâu kăn xiâm hnê ngăn, kơ koan tơpui tơno dêi 2 tơnêi têa Việt Nam - Lếo; Kăn xiâm hnê ngăn 2 kong pơlê Thanh Hóa dêi Việt Nam ƀă kong pơlê Hủa Phăn dêi kong têa Dân chủ Nhân dân Lếo, rơtế ƀă hên mâu kăn ƀô̆, đảng viên, kuăn pơlê, kŏng nhân, viên chưk, mâu lêng tơplâ, mâu ngế ki hriâm a tơnêi têa pin.

Leh tơbâ 60 hơnăm hâi mơjiâng tơrŭm cheăng pơla Việt Nam - Lếo

Tơbleăng a hâi leh tơbâ, pôa Đỗ Trọng Hưng, kăn hnê ngăn Đảng kong pơlê Thanh Hóa tối nhên: Việt Nam ƀă Lếo cho péa tơnêi têa achê hmâ dêi rơpó, ngo têa kroăng tơdjuôm ƀă, rơtế ôu tơdjuôm môi têa kroăng Mekong, rơtế hngiân a hbêa ngo Trường Sơn ki kân krip, kuăn pơlê péa tơnêi têa vâ môi tiah khôi túa, vêa vong, hiâm mơno lĕm ‘nâi hơ-ui pâ, pơlê tơrŭm tơ-rôa, hiăng mơjiâng tơrŭm môi tuăn, rơtế hmâ dêi rơpó ton ta ah.

Gương tơplôu ƀă tơbleăng