Kong măng lơ 23/5, Khu pơkuâ ngăn Đoân, Hô̆i sinh viên Việt Nam kong pơlê Dak Lak tơkŭm po tơbleăng tơdroăng “Tŏng kum a rơnó tơ’noăng” hơnăm 2023. Tơdroăng Tŏng kum a rơnó tơ’noăng hơnăm kố châ tơbleăng sap ing apoăng khế 4 troh tâi khế 7 ƀă hên tơdroăng tŏng kum, rơtế ƀă mâu khu ki tŏng kum tung lâp tơnêi têa, tung pơla ƀă klêi kơ’nâi tơ’noăng râ má pái phôh thong.

Troh nôkố, lâp kong pơlê hiăng mơjiâng châ 3 khu ki pleăng dêi hnoăng cheăng a râ kong pơlê ƀă râ tơring ƀă lối 1 rơpâu ngế ki pleăng dêi hnoăng cheăng veăng. Tiah mê, rêm khu kô ai hnoăng cheăng krê tơtro ƀă rêm tơdroăng cheăng môi tiah: khu ki pleăng dêi hnoăng cheăng kơxô̆ tung Tŏng kum rơnó tơ’noăng, Tơdroăng ki hriâm rơbot ƀai châ điêm hên, tŏng kum ‘na hiâm mơno, tŏng kum hok tro ki ai tơdroăng rêh ối xơpá; Koh tơdah mâu sinh viên ki nếo, diâp liăn hriâm rơkê “Tŏng kum troh hngêi trung” ăm mâu sinh viên, hok tro ki nếo ai tơdroăng rêh ối xơpá ƀă hên ki ê.

A rôh leh tơbleăng hiăng po tơdroăng cheăng ki hơniâp ro môi tiah tiâ mơnhên hiâm mơno ƀă troăng tơmiât tơdroăng cheăng hdrối hneăng tơ’noăng, tơdroăng hơdruê xoăng; tơdroăng ki tơchĕng tơmiât hdrối hneăng tơ’noăng, tơdroăng cheăng trâm mâ hơdruê xoăng, mơnúa hriâm khât a hngêi trung đăi hok, pơxiâm mơhno mâ 4 khu ki pleăng dêi hnoăng cheăng “Rơtế prôk ƀă mâu ngế ki tơ’noăng”.