Tơdroăng tơkêa bro ai tâi tâng kơxô̆ liăn ‘no pro 1.032 rơtal liăn, mê cho ‘mâi rơnêu tâi tâng troăng tơƀai vâ hdrâp; mâu tơmeăm a troăng tơƀai kơtâu vâ kơneăng, drô tíu ki rak tơniăn, kơpong tơniăn a mơ’nui dêi troăng tơƀai kơtâu vâ kơneăng (RESA) on trâ ƀă tơmeăm ki vâ rak pro tơniăn tung mâu tơmeăm pro chiâm kơneăng.

Troăng pêi kih thuât ki hên cho hơ’lêh ƀê tông châ ƀă ƀê tong xơmăng vâ tâk ki kâi trâng, xúa gá krá ton hơnăm. Tơdroăng rơnêu pro vâ tơniăn, pơtối rak ki pơxúa tơniăn ƀă ki hơ’lêh pơkâ troh hơnăm 2030, mâ ngăn vâ pêi pro troh hơnăm 2050. Liên Khương cho hơlâ troăng tơƀai dêi Tây Nguyên, hdrối nah hiăng châ pơxúa vâ chê 3 rơtuh ngế tơmối/hơnăm, luât ki vâ vê hdró apoăng.