VOV4.Xơ Đăng - Hâi lơ 22/8, ai lối 1,9 rơtuh ngế hok tro lâm 1 tung lâp tơnêi têa pơxiâm prôk troh a hngêi trung. Tơdah hok tro lăm hriâm nếo. Mâu hngêi trung xuân mơdêk hnoăng cheăng séa ngăn mâu tơmeăm khoăng môi tiah troăng on tơhrik, klŏng têa, kơƀăng tăng, kông, ki pêt rơxôh ƀă on tơhrik.... vâ tơniăn ăm hok tro, hbrâ ví xía vâ rong râ.

Lối 1,9 rơtuh ngế hok tro lâm 1 troh a hngêi trung tung mot hơnăm hriâm nếo

Tiô pơkâ hơnăm hriâm 2022- 2023 ƀă tơdroăng hriâm mầm non, phôh thong ƀă yăo yuk thường xuyên châ Khu xiâm ngăn hnê hriâm ƀă hnê mơjiâng tuăn ngôa rơkê pơkâ hâi lơ 5/8, pơxiâm mot hơnăm hriâm nếo po a hâi lơ 5/9 môi tiah rêm hơnăm. Hok tro châ lăm hriâm a hngêi trung rĕng tâ môi pơla măng tĭng, tơkéa vâ tối hâi lơ 29/8. Krê to lâm 1, mâu hngêi trung kô tơkŭm lăm troh a hngêi trung rĕng tâ hâi leh mot hơnăm hriâm nếo ai péa măng tĭng tơkéa vâ tối hâi lơ 22/8.

Mâu kong pơlê, môi tiah: Hà Nam, Hải Dương, Hậu Giang, Hòa Bình, Bến Tre, Dăk Nông, Đồng Tháp, Đồng Nai, Bắc Giang, Hà Nội, Bắc Kạn, Bắc Ninh, Bạc Liêu, Lai Châu, Lâm Đồng… kô tơdah hok tro lâm 1 a hâi kố.

Gương tơplôu ƀă tơbleăng