VOV4.Xơ Đăng - Hâi lơ 5/9, lối 23 rơtuh ngế hok tro tung lâp tơnêi têa pơxiâm mot hơnăm hriâm nếo 2022-2023 ƀă pơxá “tơrŭm môi tuăn, hriăn plĕng ki nếo, mơ-eăm pê klêi hnoăng cheăng ƀă pơ’lêh nếo, ‘mâi mơnhông mơdêk tơ-brê tơdroăng hnê ƀă hriâm". Tiô pôa Nguyễn Kim Sơn, hơnăm hriâm 2022-2023 châ mơnhên cho hơnăm ki xiâm tơbleăng tơdroăng pơ’lêh nếo ‘na hnê hriâm a râ phổ thông, pêi pro tơdroăng hnê hriâm phôh thong hơnăm 2018.

Lối 23 rơtuh ngế hok tro lâp tơnêi têa pơxiâm mot hơnăm hrâm nếo 2022-2023

Hơnăm hriâm kố, tơdroăng hnê hriâm phôh thong châ tơbleăng ƀă lâm 3, 7 ƀă 10 ƀă hên tơdroăng pơ’lêh. Malối, tơdroăng hriâm lâm 7 ki nếo ăm phêp hok tro lâm 7 rah xêh nâl kuăn ngo ki hriâm lơ hriâm nâl kong ê. Tơdroăng mê ăm hlo cho vâ pơtối rak vế rơkong tơpui nâl kuăn ngo châ tơmâng khât tung mâu hngêi trung hriâm. Troh nôkố, ki iâ ai 6 to kong pơlê tung lâp tơnêi têa pơkâ ôh tá ăm liăn hriâm ăm hok tro hơnăm 2022-2023, mê cho: Cần Thơ, Đà Nẵng, Hải Phòng, Bà Rịa - Vũng Tàu, Bắc Kạn, Quảng Ninh. 

Gương tơplôu ƀă tơbleăng