VOV4.Xơ Đăng - Khu xiâm Kăn sát gak troăng prôk ăm ‘nâi, tung 4 hâi pơlê leh lơ 2/9 (ing hâi lơ 1/9 troh lơ 4/9) Khu Kăn sát ga troăng prôk tung lâp tơnêi têa hiăng châ pơxâu phâk lối 40 rơpâu ngế ki pro xôi luât, ƀă kơxô̆ liăn nâp châ lối 6 rơtal liăn. Tung 4 hâi pơtê leh lâp tơnêi têa hiăng ai 79 rôh tơklâ rơxế, pro hlâ 48 ngế hlâ, 51 ngế tro rong.

Lối 40 rơpâu ngế pro xôi luât prôk troăng tro pơxâu phâk tung 4 hâi pơtê leh

Tung pơla gâk ngăn séa ngăn vâ pro tơniăn troăng prôk, mâu kăn sát ngăn troăng prôk tung lâp tơnêi têa hiăng châ hlâ pơxâu phâk lối 41 rơpâu ngế pro xôi; phâk liăn lối 60 rơtal liăn; rup râng 914 troăng rơxế ôtô, 12 rơpâu 700 toăng rơxế môtô; xo lối 600 rơpâu ƀâng vê rơxế tŭm túa. Krê to xôi ai têa drôu tung châ, mâu kăn sát gak troăng prôk hiăng pơxâu lối 8 rơpâu 800 ngế; phâk thế nâp liăn châ lối 40 rơtuh liăn. Ing kơmăi séa ngăn dêi mâu Khu lăm séa ngăn troăng prôk a troăng kân tơdrăng dêi khu xiâm ngăn troăng prôk hiăng châ hlo pơxâu 1 rơpâu 593 ngế.

Gương tơplôu ƀă tơbleăng