Kơxo lơ 27/12, a Hà Nội tơkŭm po Hneăng hôp Vi ƀan xiâm Măt trâ̆n Tơnêi têa Việt Nam roh má 7, hneăng má IX. Hneăng hôp tơpui tơno tơbleăng ăm pêi pro tơbleăng tơdroăng châ tơƀrê pêi hnoăng cheăng Măt trâ̆n hơnăm 2022, tơdroăng tơrŭm ƀă môi tuăn tơdroăng pêi cheăng hơnăm 2023. Mâu kăn teăng mâ tối rơdêi hnoăng dêi Măt trâ̆n Tơnêi têa mâu râ tung tơdroăng séa ngăn, rơnêu ăm i tơtro tâ, thăm pêi pro tơdroăng Kơxô̆ liăn tŏng kum mơngế kơtiê, kơxô̆ liăn tŏng kum Tơnêi têa tơniăn tro pơkâ.

 Pơtối pêi pro Roh mơhnhôk “Tâi tâng kuăn pơlê tơrŭm môi tuăn mơjiâng thôn pơlê nếo, kơchơ tê mơdró rơkê”, Roh mơhnhôk “Mơngế Việt Nam kơjo xúa tơmeăm Việt Nam”, Tơdroăng tơ’noăng “Rŭm môi tuăn tơmiât pêi rơkê” ƀă tơdroăng rak ngăn ăm mơngế kơtiê, tơdroăng tŏng kum.

Tơkŭm pêi pro kêi đeăng tơdroăng xiâm hbrâ tơkŭm po Hneăng hôp Măt trâ̆n Tơnêi têa Việt Nam mâu râ ƀă Hneăng hôp kăn teăng mâ lâp tơnêi têa Măt trâ̆n Tơnêi têa Việt Nam roh má 10.