VOV4.Xơ Đăng - Hâi lơ 26/9, tơbleăng a rôh hôp mơ’no tơdrêng tiô troăng hyôh Internet tung lâp tơnêi têa ‘na mơdêk ăm liăn ngân mung pêi cheăng mơjiâng pro tơmeăm khoăng tơnêi têa ƀă pêi pro tiô pơkâ 03 tơdroăng pơkâ dêi tơnêi têa, pôa Phạm Minh Chính, Ngế pro xiâm hnê ngăn tơnêi têa pơkâ thế, mơ-eăm  khât ƀă tơbleăng mâu troăng rơhlâ pêi rơdêi tâ nếo mơ-eăm pê klêi a kơlo ki kân má môi dêi hnoăng cheăng ‘na xo liăn ngân vâ ‘no mơjiâng tơmeăm khoăng tơnêi têa tung honăm 2022.

‘Na tơdroăng cheăng pêi tung la ngiâ, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng, kong pơlê pơtối pơcháu 75.000 rơtal liăn ki u ối ăm tơdroăng tơkêa bro ki tŭm tiô pơkâ. Mâu tôh pêi cheăng pơtối tơbleăng tơdroăng pêi pro, hlối séa ngăn, hnê tối, hlối mơhnhôk mâu tíu pêi cheăng, hlối tah lôi ki xơpá, tơvâ tơvân.

Mâu khu xiâm kơvâ cheăng kong pơlê tơrŭm ƀă ví pro hlá mơ-éa tơvâ tơvân hên hĭn. Ngế pro xiâm hnê ngăn tơnêi têa pơkâ thế, mâu kong pơlê kal thế tơmâng khât tí tăng ‘nâi plĕng mâu tơdroăng, tơkŭm tâi tâng, tối tơbleăng ‘na tơdroăng ki xơpá, tơvâ tơvân tung tơdroăng pêi pro ƀă tối mâu troăng rơhlâ, vâ ing mê mâu khu xiâm kơvâ cheăng thâ tơleăng mơnhên tơdrêng.

VOV.VN

Gương tơplôu ƀă tơbleăng