VOV4.Xơ Đăng - Bú ối iâ hâi tê kô troh Têt Trung thu, pơla kố, mơđah kơchơ mơdró tơmeăm xah hêi ki vâ xah ro hâi leh a Gia Lai dế kơdrâm mơngế, tơmeăm xah hêi ăm vâi hdrêng châ tơbleăng tê hên túa, kân kŭn, hên mơngiơik... La ôh tá hlo tơmeăm xah hêi ki hmâ sap ing ton nah. Tiô ngế chêh hlá tơbeăng tối a mâu tíu tê tơmeăm xah hêi ăm vâi hdrêng pakĭng troăng Phan Đình Phùng,bêng Tây Sơn, pơlê kong kơdrâm Plei Ku mâu hâi ki kố kơdrâm kơdrĕng tơmối troh rôe tơmeăm.

Hên nôu pâ roh xo on tơdrêng ki xúa pin vâ rôe ăm dêi kuăn xah hêi trung thu

Tơmeăm xah hêi Trung thu hơnăm kố ai hên túa pro pơrá phá, yă kơnâ iâ  tâng vâ pơchông ƀă hơnăm hdrối dâng 10%. Mơhé ti mê, a mâu tíu tê mơdró iâ tơmeăm xah hêi ki pro ƀă kŏng tiô hmâ xah ton nah. Ngế tê mơdró Đăng Thùy Dung, ăm ‘nâi, tơmeăm tê ki hên ngế vâ rôe cho on tơdrong ki xúa ƀă pin yă tê ing 50, rơpâu troh 140 rơpâu liăn 1 to ngăn tiô kơ túa.

Mâu tơmeăm môi tiah kế truâ ngiâ môi tiah mâu um pim pum ai yă ing 20 rơpâu troh 25 rơpâu liăn môi to; ko prếo, ko klá kơnâ 150 rơpâu liăn troh 1 rơtuh liăn ngăn tiô kơ túa nếo.

Gương tơplôu ƀă tơbleăng