Mơđah tơbleăng “Dak Lak ƀă Kuô̆k hô̆i – Krá rơdêi tơdroăng loi, Tơdjuôm tơdroăng rơhêng vâ”
Thứ ba, 13:47, 10/03/2026
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - A tíu ‘măn tơmeăm Dak Lak (bêng Buôn Ma Thuột), Khu Ngăn túa lĕm tro, Tơ’noăng ivá ƀă Ôm hyô kong pơlê Dak Lak tơkŭm Pơxiâm po Mơđah tơbleăng “Dak Lak ƀă Kuô̆k hô̆i – Krá rơdêi tơdroăng loi, Tơdjuôm tơdroăng rơhêng vâ”.
Mơđah tơbleăng kố po sap ing nôkố troh tâi khế 4/2026. Kố cho tơdroăng cheăng hnê tối ‘na tơdroăng kal kí, ai rah xo mâu um, hlá mơ-éa ki kal kơnía ‘na tung pơla mơjiâng, mơnhông dêi Kuô̆k hô̆i Việt Nam.
Ing mê, tối nhên ‘na tíu ối, hnoăng cheăng dêi Kuô̆k hô̆i; tơdrêng amê, hlối pêi pro nhên tơrŭm cheăng krá pơla Kuô̆k hô̆i ƀă Đảng ƀô̆, kăn pơkuâ ƀă kuăn pơlê mâu hdroâng kuăn ngo kong pơlê Dak Lak tung rôh mơnhông mơdêk dêi kong pơlê.
Viết bình luận