A pơlê kong kơdrâm Ƀuôn Ma Thuột, Ƀơrô Khu hnê mơhno cheăng 389 dêi tơnêi têa tơkŭm po Hôp hriâm plâ mơdât tê khu tê mơdró liu, ôh tá tơdrăng tê mơdró tơmeăm ôh tá xê khât tung tê mơdró ƀă điê̆n tưh ăm khu râ kơvâ cheăng mâu kong pơlê kơpong Tây Nguyên ƀă kong pơlê Khánh Hòa, Phú Yên.  

A rôh hôp, vâ chê 200 ngế dêi mâu khu cheăng rak ngăn ‘na tê mơdró, kŏng an, mố đô̆i tơkăng kong, khu cheăng séa ngăn mâu tơdroăng dêi mâu kong pơlê hiăng châ tơkŭm hriâm mâu tơdroăng vâ hlê kơnó tơdroăng pêi pro, ki hlĕng hriăn pro  kơtôa ƀă mâu troăng rơhlâ vâ plâ mơdât tê mơdró liu, ôh tá tơdrăng tung tê mơdró ƀă ‘na tê tơmeăm ôh tá xê khât, tơmeăm ôh tá krá lĕm tung tê mơdró ƀă điê̆n tưh.

Klêi mê, tí tăng ‘nâi mâu tơdroăng, ‘na hlá mơ-éa, xiâm ki pêi pro ôh tá tro luât mê; pơxâu phâk liăn ‘na kơvâ tối ăm ‘nâi mâu tơdroăng tiô troăng hyôh internet ƀă tê mơdró tơmeăm ôh tá xê khât, mơdât ôh tá ăm pơtroh tiô troăng phôn ƀă Internet; lơ ôh tá vâ pro hnoăng mơhá ƀă tơdroăng vâ  rup, pơxâu phâk tung tơdroăng tê mơdró ƀă điê̆n tưh; pro xôi luât xúa tuăn ngôa rơkê ‘na tơdroăng tê mơdró điê̆n tưh.