VOV4.Xơ Đăng - Kơxo lơ 15/9, a pơlê kong kơdrâm Đà Lạt, kong pơlê Lâm Đồng, Khu xiâm ngăn ‘na mơhno túa lĕm tro, tơ’noăng ivá ƀă Ôm hyô tơkŭm po hneăng hôp hriâm Luât ‘mâi hơ’lêh, tơ’nôm mâu tơdroăng Luât xuá tuăn ngôa rơkê ƀă hnoăng mơngế chêh, hnoăng ki ai tơdjâk troh. Lối 150 ngế kăn teăng mâ mâu khu xiâm, kơvâ cheăng ki tơdjâk troh, mâu tíu pêi cheăng dêi Khu xiâm ngăn ‘na mơhno túa lĕm tro, tơ’noăng ivá ƀă ôm hyô rơtế ƀă mâu kong pơlê veăng hôp.

Mơdêk ivá rak ngăn, pêi pro tơ-brê hnoăng mơngế chêh, hnoăng ki tơdjâk troh

Tung pơla 3 hâi, mâu kăn kô tơmâng mâu tơdroăng kal ‘na mâu luât pơkâ ki ‘mâi hơ’lêh, tơ’nôm ‘na hnoăng mơngế chêh pro, hnoăng ki tơdjâk ai tiô tơdroăng tơrŭm cheăng lâp plâi tơnêi, ki mơnhông tơtêk cheăng kâ - rêh ối nôkố ƀă ki ‘nâi ‘na luât ai tơdjâk troh; tơbleăng mâu tơdroăng kal ‘mâi hơ’lêh, tơ’nôm mâu hnoăng mơngế chêh pro, hnoăng ki tơgjâk tung luât ‘mâi hơ’lêh.

Klêi mê, tơ’nôm mâu tơdroăng Luât xúa tuăn ngôa rơkê; kring vế hnoăng mơngế chêh tung tơdroăng mơnhông cheăng ƀă kơmăi kơmok mơhno túa lĕm tro; mâu tíu ki nếo ‘na kring vế hnoăng xuá tuăn ngôa rơkê, hnoăng cheăng pêi tro luât ‘na hnoăng mơngế chêh, hnoăng tơdjâk; tơbleăng mâu tơdroăng kal dêi tơdroăng kĭ tơhrâ ‘na hnoăng mơngế chêh dêi Khu tơrŭm xúa tuăn ngôa rơkê lâp plâi tơnêi, Kĭ tơhrâ ‘na tơdroăng mơđah ƀă thâu xo dêi Khu tơrŭm cheăng xúa tuăn ngôa rơkê lâp plâi tơnêi.

Gương tơplôu ƀă tơbleăng