Kơxo hâi lơ 26/3, pôa Phạm Minh Chính, Ngế pro xiâm hnê ngăn Tơnêi têa ƀă khu kăn xiâm Việt Nam hiăng vêh troh a Hà Nội, hiăng klêi tơniăn lăm pôu kong têa Rusi ƀă hâi pêi cheăng hên vâ chê 30 tơdroăng cheăng tung 3 hâi. Ing mâu rôh hôp tơpui tơno,  tơpui ƀă mâu kăn xiâm Rusi, péa pâ hiăng tơpui rơhéa vâ môi tuăn pơtối tơpui trâu rơdâ tâ loi nhoăm, mơdêk hlê dêi rơpó tung hên tơdroăng tơrŭm tiah hmâ. Ki vâ tối tơdroăng kal dêi rôh lăm pôu cho tơdroăng pôa Phạm Minh Chính, Ngế pro xiâm hnê ngăn tơnêi têa ƀă pôa Mikhail Mishustin, Ngế pro xiâm hnê ngăn kong têa rơtế ngăn leh kĭ tơhrâ tơrŭm cheăng mơjiâng pro Hngêi kơmăi on tơhrik kơtâu ƀă trếo tik nik  a Việt Nam.

Kố châ ngăn cho pro hdró ki pơxúa ton nah, hdró tơdroăng pơtối pêi pro on tơhrik kơtâu ƀă trếo tik nik dêi tơnêi têa, po troăng hơlâ tơrŭm cheăng ki nếo tung kơvâ on tơhrik. Hneăng lăm pôu hên ăm hlo veăng no hnoăng ƀă mơdêk tơrŭm cheăng tung tung tŭm tơdroăng pơla Việt Nam - kong têa Rusi tung mâu hơnăm nếo.