Mơdêk tơdroăng chêh, tơpui, thâu, tơbleăng tung hyôh măng ăm khu ngế chêh hlá tơbeăng Tây Nguyên
Thứ hai, 14:04, 01/06/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - A bêng Ƀuôn Ma Thuột, kong pơlê Dak Lak, Tíu xiâm hriăn plĕng ƀă Xúa kŏng ngê̆ hyôh măng (R&D) tơrŭm ƀă Kơ koan teăng mâ kơpong Tây Nguyên, Rơ’jíu Việt Nam tơkŭm po lâm hnê mơhno ‘’Tơdroăng ki pro podcast mơdêk tung kŏng ngê̆ kơxô̆’’.
Veăng hriâm ai vâ chê 60 ngế cheăng ƀơrô, cheăng kơ koan, ngế chêh hlá tơbeăng, ngế rah chêh hlá tơbeăng, kih thuât viên dêi Rơ’jíu Việt Nam ƀă mâu kơ koan chêh hlá tơbeăng dế pêi cheăng a kong pơlê Dak Lak, kơpong Tây Nguyên. Mâu ngế hriâm hriâm hên tơdroăng ki trâu môi tiah: tơmiât pro podcast ƀă mơngế tơmâng podcast; mơjiâng chêh bro ƀă tơdroăng ki pro môi tâp podcast; tơdroăng po apoăng, intro, outro; hnoăng ƀă tơdroăng ki tơpui djâ; xúa nhak, rơkong vâi tơpui ƀă tơdrá chuât tung podcast; rah format tơtro ăm rêm ƀai.
Riân troh nôkố, lâm pơtâp a kơpong Tây Nguyên cho lâm má 5 châ tơkŭm po. Ing mê, ai vâ chê 300 ngế chêh hlá tơbeăng, ngế rah chêh, kih sư, kih thuât veăng hnê mơjiâng, hnê tơ’nôm lâm podcast ki xahpá a ‘ngêi tâ.
Viết bình luận