Kơxo hâi lơ 16/6, a Hà Nội, Khu hnê mơhno Mơhnhôk tâi tâng kuăn pơlê kring vế tơniăn tơnêi têa Tíu xiâm tơkŭm po hôp “Mơdêk ki tơƀrê tung tơdroăng tơrŭm mơdêk tâi tâng kuăn pơlê kring tơniăn tơnêi têa tung tơdroăng rêh ối nếo nôkố. A rôh hôp, mâu kăn tối, rak tơniăn cheăng kal kí, kring vế tơniăn pơlê pơla cho hnoăng cheăng ki xiâm, đi đo dêi tâng tâng Đảng, tâi tâng kuăn pơlê, tâi tâng mâu lêng; cho tơdroăng rêh ối pêi pro dêi kuăn pơlê, xua kuăn pơlê ƀă xua ing kuăn pơlê.

Vâ tơbleăng pêi tơtro mâu tơdroăng  cheăng mê, tơdroăng mơhnhôk tâi tâng kuăn pơlê kring vế tơniăn tơnêi têa cho tơdroăng pêi pro ki má môi, ki kal, thế po rơdâ hên túa pêi, ai mâu ngế rơkê djâ troăng a hdrối ‘na pêi pro tơdroăng tâi tâng kuăn pơlê kring gak tơnêi têa.

Pakĭng mê, hơ’lêh nếo tơdroăng kal, tơdroăng pêi pro, tơdroăng hnê tối veăng mơhno ki hlê plĕng, hnoăng cheăng pêi dêi kăn ƀô̆, kŏng chưk, viên chưk, mơngế pêi cheăng tung tơdroăng mơhnhôk tâi tâng kuăn pơlê veăng kring vế tơnêi têa.