VOV4.Xơ Đăng - Kơxo lơ 5/10, a Hà Nội, Khu tơrŭm Tê mơdró ƀă Kơmăi kơmok Việt Nam (VCCI) tơkŭm po Rôh hôp ai inâi: Hơ’lêh hnoăng cheăng kơvâ cheăng kơmăi kơmok tŏng kum Việt Nam. Nôkố kơvâ cheăng ƀă kơmăi kơmok tŏng kum tung tơnêi têa xuân hiăng ai hên tíu ki pơ’lêh tung mâu hơnăm hdrối mê hía nah ‘na kơxô̆ ngế ƀă ki rơkê, châ dâng 4,5% tung tâi tâng khu mơdró kâ dêi kơvâ cheăng ƀă kơmăi kơmok uâ pơliê, mơjiâng pro.

Kơmăi kơmok tŏng kum, veăng kum mơdêk tơdroăng tơrŭm tung tơdroăng ki tŏng kum dêi kơvâ cheăng ƀă kơmăi kơmok xiâm dêi tơdroăng cheăng kâ môi tiah pơchoh hmân ếo, bro chêng khŏng, điê̆n tưh, pêi chiâk deăng, păn ká xi xŏng ƀă mâu kong têa ki kân ƀă hmâ pro pá môi tiah Hàn Quốc, Nhuk, Mih, Châu Âu, Sinuâ ƀă hên kong têa ki ê.

Mâu rơkong tơpui tối a rôh hôp tiah kố, Chin phuh kal ai troăng hơlâ tŏng kum khu mơdró kâ cheăng ‘na kơmăi kơmok tŏng kum. Rơtế ƀă mê cho mơdêk tơdroăng cheăng tơrŭm ƀă mâu kong têa ê tung lâp plâi tơnêi mơdêk ivá dêi khu mơdró kâ tung tơdroăng ki hnê cheăng, tiâ mơnhên hnê tối ‘na kơmăi kơmok ƀă hên ki ê.

VOV Tây Nguyên/Tơplôu: Katarina Nga