Pêi cheăng ƀă Khu pơkuâ cheăng Khu pơkuâ hnê ngăn kong pơlê Khánh Hòa, pôa Trần Sỹ Thanh, Ngế cheăng tung tíu xiâm Kal kí, Kăn xiâm Đảng, Kăn pơkuâ Vi ƀan Tíu xiâm tối nhên, tơdroăng tơbleăng Pơkâ hôp Đảng ƀô̆ rôh má 14; Khánh Hòa ôh ti xê to pơtê a rak vế mê ối thế hbrâ rơnáu, hriăn plê̆ng ki nếo, tăng troăng pêi pro nếo, túa pêi cheăng vâ tơbrê dêi Tíu xiâm tơkŭm, kuăn pơlê rơdâ. Tơdroăng séa ngăn, tăng ngăn ôh tá xê vâ “tăng ‘nâi xôi” mê vâ rơtế, teăm tah ki xơpá tơvâ tơvân, pơxâu phâk mâu tơdroăng tơkêa bro ki hrá pêi, tah ki pro pá ton hâi, tăng xiâm vâ mơnhông pêi tâk.

Pôa Trần Sỹ Thanh, Ngế pơkuâ Vi ƀan Séa ngăn Tíu xiâm tối pơchân, pơkâ mơnhông tâk péa kơxô̆ ôh ti xê to tơdroăng pêi pro ki tơƀrê thế tăng troăng hơlâ nhên vâ pêi, nhên mơngế, nhên tơdroăng cheăng, nhên tơdroăng pêi pro; mơdêk séa ngăn, tăng ngăn ƀă tối ki tơƀrê tung tơdroăng ‘no hnoăng veăng ‘no a mơdêk. Pakĭng mê, mơdêk ‘mâi hơ’lêh tơdroăng pêi pro tơƀrê, tơbleăng lâp lu tuăn vâ, Pơkâ ăm tơrêm kăn ƀô̆, đảng viên ƀă tâi tâng pơlê pơla, pro hơ’lêh nhên tung tơdroăng pêi pro. Pôa Trần Sỹ Thanh tối:

“Tung tơdroăng tơbleăng séa ngăn, tăng ngăn thế pêi nhên ƀă vế hdró ngăn kơlo ki veăng ‘no hnoăng a mơdêk dêi Khánh Hòa to lâi kơpêng hrĭng, púi vâ ai tiah mê ga tro. Ôh tá xê mơhno, mơhno xuân bú vâ pêi lĕm tro tâ. Ing mê, rơtế ƀă dêi rơpó tăng troăng prôk ƀă troăng vâ mơnhên mâu tơdroăng pơkâ; tăng ‘nâi plĕng nhên mâu troăng hơlâ ai tiô pơkâ tâk 10%. Tối nhên mâu tơdroăng mê vâ pro ki klâi? Ngế ki lâi ngăn tơdroăng pêi pro ƀă ki ton gá tung pơla to lâi? Ôh tá chiâng tối tơdjuôm, thế ai hâi chôu, pơcháu nhên tơdroăng cheăng pêi”.

Pôa Nghiêm Xuân Thành, Ngế pơkuâ ngăn Đảng ủi kng pơlê Khánh Hòa ăm ‘nâi, kong pơlê hiăng tăng ‘nâi pêi nhên khât, tơbleăng Pơkâ hneăng hôp má 14 ƀă tơdroăng pêi pro, rak tơniăn môi tuăn, hlối tơdrêng ing kong pơlê troh a cheăm bêng. Kong pơlê mơ-eăm pêi tơdroăng pơkâ thế tâk péa kơxô̆, pêi pro tiô tơdroăng kal vâ mơjiâng kong pơlê chiâng pơlê kong kân râ xiâm tiô Pơkâ kơxô̆ 09-NQ/TW dêi  Khu xiâm Kal kí.

Pêi cheăng ƀă Khu pơkuâ hnê ngăn Đảng ủi kong pơlê Gia Lai, pôa Lê Hòai Trung ngế cheăng tung Vi ƀan Tíu xiâm Kal kí, Ngế xiâm tơpui kâ tối nhên, tơdroăng cheăng séa ngăn, tăng ngăn vâ tơniăn mâu Pơkâ,  tiô hnê mơhno dêi Tíu xiâm châ tơbleăng pêi kơtăng, hlối tơdâng, tơƀrê, tro tiô troăng. Tung pơla rêm râ Đảng dế tơkŭm pêi tơdroăng pơkâ hnê hôp 14 ƀă hbrâ vâ tâ phĭu, tơdroăng cheăng mê thăm rế kal tơtro, tơdrêng.

Kong pơlê Gia Lai kal thế tơmâng tăng ngăn tơdroăng pêi pro tiô pơkâ tâk péa kơxô̆; tơbleăng troăng pêi tơkŭm mâu kăn péa râ; tơdrêng ƀă mâu Pơkâ mơnhông tơƀrê mâu kơvâ cheăng ki kal ing tơdroăng hnê mơhno dêi Tíu xiâm ƀă râ pơkuâ hnê ngăn Đảng kong pơlê. Ngế pơkuâ séa ngăn pơkâ thế kong pơlê Gia Lai xoăng ăm kơ koan xiâm, tơrŭm krá ƀă khu; pê klêi tơdroăng chêh tối tơbleăng thế tro tơdrăng, tối nhên mâu tơdroăng xơpá, tơvâ tơvân ƀă pâ thế mơhno troăng pêi nhên.

Pêi cheăng ƀă Khu pơkuâ hnê ngăn Đảng ủi Dak Lak Lak, pôa Nguyễn Thanh Nghị, ngế cheăng tung khu xiâm kal kí, kăn hnê ngăn Đảng, Ngế pơkuâ luât tŏng gum - Troăng hơlâ cheăng dêi Tíu xiâm, Ngế pơkuâ djâ mâu kăn ăm ‘nâi, séa ngăn, tăng ngăn cho tơdroăng pêi pro đi đo vâ tối tro, tơdrăng tơdroăng, ‘nâi tơdroăng kơjo pêi ahdrối, túa pêi ki tro, hriăn pêi ki nếo vâ pơtối rak vế pêi pro; mơhno mâu tơdroăng ki pá, hâi pêi vâ teăm tơdrêng ai troăng hơlâ tơkâ luâ xơpá, hlối tơmâng xo tối mâu tơdroăng xơpá, tơvâ tơvân tung pơla tơkŭm tơbleăng pêi mâu tơdroăng, troăng hơlâ dêi Đảng.

“Á pơkâ thế mâu vâi pú thâ pêi hnê mơhno vâ mơjiâng mâu tơdroăng chêh tơbleăng tăng ngăn séa ngăn tiô tơdroăng pơkâ pêi hdrối ƀă xuân tơdrêng amê cho tối ăm ‘nâi mâu hlá mơ-éa chêh vâ ’nâi nhên ƀă hnê mơhno mâu khu tơrŭm cheăng dêi mâu ngế ai tơdjâk troh vâ tơrŭm krá ƀă khu. Ƀă tơdroăng chêh tơbleăng thế tơniăn chêh tối tro tŭm tâi tâng, tơdrăng, tro khâp, ai kơxô̆ chêh mơhno nhên pơtih, ôh tá tối tơdjuôm, hlối thế ‘nâi nhên ki lâi kơjo pêi ahdrối, ki pá hâi pêi pro, xiâm ing lâi xuân môi tiah chêh pơkâ troăng hơlâ vâ pêi pro. Ai tơdroăng klâi hâi ‘nâi hâi hlê xuân thế tối tơbleăng tơdrêng ăm khu kăn vâ khu kăn tơkŭm tâi tâng mâu tơdroăng mê, klêi mê tối tơbleăng ăm Khu xiâm kal kí vâ tí tăng ngăn”.

Khu lăm séa ngăn mâu tơdroăng kal tuăn tơmiât vâ mê cho:  Tơdroăng tơkŭm ƀă tơdroăng cheăng dêi mâu kơ koan, tíu pêi cheăng a kong pơlê kơ’nâi pơkuâ cheăng pêi dêi mâu kăn kong pơlê 2 râ; rêm tơdroăng cheăng, troăng hơlâ pêi vâ tơniăn pêi tiô pơkâ tâk tơmeăm pêi lo tâng riên tung pơla hơnăm 2026-2030 sap 10% tơngi klêng tiô Pơkâ hneăng hôp má 14 dêi Đảng; tơdroăng pơkuâ ngăn hnê mơhno, tơkŭm pêi tiô pơkâ kơxô̆ 57 dêi khu Xiâm Kal kí ‘na tơƀrê mơnhông Khoa hok, kong ngê̆, hơ’lêh nếo hriăn plĕng ki nếp, pơ’lêh kơxô̆ dêi tơnêi têa.

Ing tơdroăng séa ngăn, tăng ngăn, mâu kăn lăm pêi cheăng dêi Khu xiâm Kal kí, Khu kăn hnê ngăn vâ tối ki khât tơdroăng tơbleăng mâu pơkâ, mơhno dêi Tíu xiâm a kong pơlê tung kơpong Tây Nguyên ƀă Nam Trung bộ; teăm châ hlo mâu túa pêi ki tơƀrê vâ po rơdâ, hlối tah xơpá, tơvâ tơvân, tơniăn mâu troăng hơlâ ki kân dêi Đảng châ pêi tơdrêng tâi tâng, pêi kơtăng, veăng mơnhông cheăng kâ - pơlê pơla ƀă pê klêi mâu pơkâ mơnhông tiô Pơkâ hneăng hôp má 14 dêi Đảng.