VOV4.Xơ Đăng - Khu ngăn kơphế Ƀuôn Ma Thuột dế mơhnhôk tơ’noăng kơ-óu kơphế Việt Nam hơnăm 2022. Kố cho rôh apoăng hneăng tơ’noăng châ tơkŭm po , tơngah  cho ‘’plông xah hêi’’ ăm mâu ngế ki lâi hâk vâ tơdroăng kơ-óu kơphế, veăng mơdêk ki lĕm xú hŏm dêi kơphế kơ-óu Việt Nam.

Tơdroăng cheăng kơ-óu kơphế rế ai hên ngế tơmâng vâ ‘nâi  plĕng

Hneăng tơ’noăng kơ-óu kơphế Việt Nam hơnăm 2022 kô po apoăng khế 10/2022. Mâu ki veăng tơ’noăng cho mâu kuăn pơlê  Việt Nam ing 18 hơnăm tơngi klêng, dế rêh ối ƀă pêi cheăng tung tơnêi têa Việt Nam. Mâu ki veăng kơ-óu kô tơ’noăng luâ tơdroăng pơkâ, mê cho: Pêi mơjiâng kloăng kơphế vâ kơ-óu; hmâ ƀă kơmăi kơ-óu; nâp tơdroăng pơkâ chêh kơ-óu ƀă kơƀăng ki chêh kơchuâ pơto tối ‘na ki xú lĕm dêi kơphế; tơdroăng kơ-óu...

Klêi tơ’noăng, khu po tơ’noăng tơngah kô veăng ‘no hnoăng mơdêk ki xú lĕm kơphế Việt Nam. Troh nôkố, Khu tơkŭm po hiăng xo 31 ngế chêh inâi tơ’noăng. Tung mê, ai 24 ngế  tơ’noăng  tơmôi ngế, 14 ngế tơ’noăng ai pú hên.

Gương tơplôu ƀă tơbleăng