Klêi kơ’nâi môi hơnăm pêi cheăng, tâi tâng 102 cheăm, bêng a Dak Lak hiăng mơjiâng Tíu xiâm pro mơ-éa cheăng kâ rêh ối ƀă Tơnêi têa. Tơdroăng xing xoăng râ, xing xoăng hnoăng châ xing xoăng hnoăng mơdêk tiô hnê mơhno pro tơdroăng ki hbrâ ăm pơlê pơla, gum kơdroh tơdroăng tơpui ƀă pêi pro tơdroăng cheăng ƀă mơdêk tơdroăng gum kuăn pơlê.

Dak Lak hiăng tơkŭm po hnê mơjiâng, hnê tơ’nôm lối 15.000 rôh kăn ƀô̆ cheăm vâ tơxâng tơdroăng pơkâ hnoăng cheăng tung troăng pêi cheăng nếo. Tơdroăng rơnêu nếo mơ-éa rêh ối cheăng kâ ƀă tơnêi têa, pơhlêh xúa kŏng ngê̆ pơtối ai tơdroăng ki châ tơƀrê hôm; pêi cheăng dêi mâu tíu xiâm pơkuâ tơnêi têa hlâu lĕm.

Pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkâ mâu râ, kơvâ cheăng pơtối séa ngăn, kêi đeăng khu cheăng tơnêi têa; thâ rah xo tŭm mơngế pêi cheăng; khu kăn ƀô̆ cheăm; mơdêk xing xoăng râ, xing xoăng hnoăng ƀă séa ngăn ƀă pôu râng hnoăng tối tơbleăng; tơkŭm mơngế pêi cheăm ăm pơhlêh xúa kŏng ngê̆.