A Gia Lai nếo ai môi ngế o hok tro lâm 6A2 hiăng tŏng xo 2 ngế o ối kŭn klâk têa. Mê cho o Siu Sam Ban, hok tro lâm 6A2, Hngêi trung râ má môi ƀă râ má péa Nguyễn Du, cheăm Yun, tơring Chư Sê. Hdrối mê, a 12 chô 30 phut hâi lơ 20/5, châ hlo o Siu Si Ôn, kot mâ hơnăm 2017 ƀă o Kpuih Nhăn, kot mâ hơnăm 2014 xah a têa plông Ia Pết, kơpong têa hiu hluâ cheăm Yun, o Siu Sam Ban hiăng tŏng xo.

Klêi kơ’nâi ‘nâi tơdroăng kố, Hngêi trung râ má môi ƀă râ má péa Nguyễn Du hiăng kheăn kơdeăn mâu tơdroăng pêi ki khên tơnôu dêi o Siu Sam Ban a ngiâ hok tro tâi tâng hngêi trung ƀă pơchân tối hok tro pôi tá lăm hum a tíu klôh têa, kơpong têa trâu rơ-iô, ví klâk têa.

Ƀơrô Hnê hriâm ƀă Hnê mơjiâng tơring Chư Sê dế tơrŭm ƀă Khu pơkuâ Đoân tơring tơkŭm po lăm kơ-êng ƀă kheăn kơdeăn diâp ƀâng kheăn kơdeăn ăm o Siu Sam Ban xua hiăng ai tơdroăng pêi khên tơnôu tŏng kum 2 ngế o ối kŭn klâk têa.