VOV4.Xơ Đăng - Hâi lơ  11/8, a tíu pêi cheăng dêi Hô̆i đŏng Tơpui kâ Xiâm tơnêi têa, pôa Nguyễn Xuân Phúc, Kăn xiâm hnê ngăn tơnêi têa, Ngế pơkuâ hnê mơhno mơjiâng tơdroăng Tơkêa bro “ Tơdroăng mơjiâng ƀă pê klêi Tơnêi têa pêi pro tro tiô luât xah hô̆i chuh nghiah Việt Nam  troh hơnăm 2030, troăng rơhlâ vâ pêi troh hơnăm 2045” pơkuâ hâi pêi cheăng dêi Khu hnê  mơhno  ƀă Hô̆i đŏng tơpui kâ Xiâm tơnêi têa.

Rơtâ tá hâi pêi cheăng

A rôh pêi cheăng, mâu ngế cheăng tung Hô̆i đŏng Tơpui kâ Xiâm tơnêi têa vâ môi tuăn, khĕn kơdeăn tơdroăng ‘nâi hbrâ rơnáu tum, hên tơdroăng, nhên, hleăng, tro tiô khoa hok, môi tuăn dêi rơpó dêi Khu hnê mơhno mơjiâng tơdroăng Tơkêa bro.

Mơhé xuân ối ai tíu ki thế pơtối tí tăng ngăn ‘nôi, ‘mâi rơnêu iâ, tơmâng hnê vâ pê klêi tơdah tâ la ki vâ tối gá hlá mơ-éa chêh tơdroăng Tơkêa bro mê hiăng châ môi tuăn dêi rơpó ing peăng Hô̆i đŏng Tơpui kâ Xiâm tơnêi têa, malối cho xiâm ki tơpui kâ, tơdroăng ki ai khât dêi tơdroăng Tơkêa bro ƀă mâu tơdroăng ki kal ai chêh ‘mot tung tơdroăng Pơkâ. Hên ngế hnê tối rơtế vâ môi tuăn dêi rơpó mâu tơdroăng chêh, tối mơnhên ƀă troăng vâ tơleăng mơnhên dêi Khu hnê mơhno mâu tơdroăng veăng hnê tối ki pơrá phá dêi rơpó.

Kăn xiâm hnê ngăn tơnêi têa thế Tôh rah chêh pơtối tơmâng xo tŭm tơdroăng veăng hnê tối dêi Hô̆i đŏng Tơpui kâ Xiâm tơnêi têa vâ pơtối tơ’nôm, pê klêi tơdroăng Tơkêa bro.

Gương tơplôu ƀă tơbleăng